Раниери може да стане селектор на Италија – има само еден услов!

Лучијано Спалети заминува од клупата на Италија по денешниот натпревар против Молдавија, па во оваа земја е во потрага по негов наследник.

Поразот во Осло од Норвешка со 3:0 го означи крајот за Лучано Спалети. Неговото време на чело беше кратко, само една година.

Главен фаворит за нов селектор на Италија е Клаудио Раниери кој неодамна се повлече од тренерската позиција во Рома и ја предаде на Џанпјеро Гасперини. Сепак, идејата на семејството Фридкин и на Ранијери е тој да остане во Рим и да продолжи да се занимава со спортскиот сектор. Планот е Раниери да биде менаџер кој ќе работи заедно со Гасперини.

Раниери е на крстопат, а како што пренесува Џанлука ди Марцио, единствениот пат напред за него е доколку семејството Фридкин му даде дозвола за двојна функција. Раниери претходно се обврзал кон Рома и сака да го исполни тоа ветување о секоја цена, но повикот од националниот тим е нешто на што не може да му се одолее, па затоа бара разбирање од Фридкин.

Состанокот во Рим е закажан за денес и наскоро ситуацијата ќе се разјасни. Ако Ранијери не ја преземе селекцијата, “азурите” ќе го разгледуваат и Стефано Пиоли како опција.