Играчот на Тотенхем, Џејмс Медисон, ќе мора да се оперира откако пукна неговиот преден вкрстен лигамент на десното колено, објави лондонскиот клуб.
– Медисон ќе помине низ операција во наредните денови, по што ќе започне со рехабилитација под надзор на нашиот медицински тим – се вели во изјавата на Тотенхем.
Дејан Димовски: Скопје троши 700 литри вода дневно по жител | Уште еден поткаст ↓↓↓
Повредата се случи минатата недела за време на пријателскиот натпревар против Њукасл во Сеул, кој заврши нерешено 1:1.
Британските медиуми известуваат дека Медисон ќе го пропушти поголемиот дел од сезоната поради опоравокот кој следува.
28-годишниот Медисон дојде во Тотенхем во 2023 година од Лестер. Во минатата сезона за лондонскиот клуб одигра 45 натпревари, при што постигна 12 голови.
Тимот на Тотенхем ќе го одигра својот прв натпревар од Премиер лигата против Барнли на 16 август.
Учество во игри на среќа е дозволено за лица со 18+ години. Играј одговорно!