Пркоси на границите на физиката, но и на медицината: Јокиќ ги изненади сите во Торонто (Видео)

Најдобриот кошаркар во светот Никола Јокиќ беше присутен на ноќешната победа на Денвер Нагетс против екипата на Торонто Репторс во првиот натпревар во кој не можеше да игра поради повреда на коленото, но неговата појава изгледаше охрабрувачки за сите што мислеа дека проблемот е од посериозна природа.

Имајќи предвид дека коленото е проблем, многумина очекуваа Јокиќ да влезе во салата со помош на штаки или други видови помошни средства, но српската кошаркарска ѕвезда без видливи потешкотии одеше самостојно.

Тоа е првиот сигнал дека оштетувањето на коленото не е проблематично до степен каков што изгледаше на прва, така што процесот на закрепнување би можел да биде побрз од планираното.

Да потсетиме, во вторник попладне беше објавено Јокиќ би требало цел јануари да биде надвор од теренот, но имајќи го предвид колку е напредната медицината и дека станува збор за најдобриот играч на Нагетс, не би било чудно ако се врати и порано.

Wow.
Big Fella moving around quite swimmingly.
Latest update NOW on @AltitudeTV pic.twitter.com/jdXcRvVWWd

— Vic Lombardi (@VicLombardi) December 31, 2025