Познати детали: Арсенал го прави Сака еден од најплатените фудбалери во Премиер лигата!

Фудбалскиот клуб Арсенал е подготвен за нови договори и продолжување на соработката со првата ѕвезда Букајо Сака.

Оваа вест ја објави Би-Би-Си, кој тврди дека Арсенал не сака да влезе во никакви проблеми и по секоја цена да го задржи Сака. 

Англичанецот има договор до летото 2027 година, а Арсенал сака да го направи еден од најплатените во Премиер лигата и да го обезбеди за долг период. Сака сега заработува околу 200.000 фунти неделно.

Истиот извор пишува дека Сака не брза со преговорите и дека во моментов е фокусиран само на опоравувањето по операцијата и тешката повреда на задната ложа, поради која е надвор од игра од декември.

Освен Сака, играчи кои имаат договори до 2027 година се и Вилијам Салиба и Габриел, со кои исто така Арсенал сака благовремено да започне преговори и да ги обезбеди нивните потписи, бидејќи ја сочинуваат основата на тимот.