Повеќе нема дилема кој ќе биде прогласен за најдобар фудбалер во светот

France Football на 22 септември во Париз ќе ја додели Златната топка за најдобар фудбалер во светот, а апсолутен фаворит за оваа награда е ѕвездата на ПСЖ Усман Дембеле.

Иако поради големите проблеми и повредите во Барселона многумина веќе го отпишаа од сериозна кариера, Усман Дембеле се издигна од пепелта и игра навистина врвен фудбал во ПСЖ.

Позади него е неверојатна сезона во која ја освои Лигата на шампионите, првенството и Купот, а ПСЖ уште е во игра да стане најдобар тим во светот.

Дембеле ќе ја добие круната за феноменалната сезона на 22 септември во Париз. 28-годишникот е апсолутен фаворит за добивање на Златната топка – наградата за најдобар фудбалер во светот.

Според последните анализи, Французинот има дури 77.5 проценти шанса за освојување на наградата и е далеку пред сите други фудбалери.

На второто место е младата ѕвезда на Барселона Ламине Јамал (25%), а уште еден играч на ПСЖ, португалскиот маг Витинја е на третото место со 11.1 процент шанса.

Тековни шанси за Златната топка по ноќта! ✨

1. Дембеле (77.5%)
2. Ламине Јамал (25%)
3. Витинја (11.1%)
4. Мбапе (5.9%)
5. Салах (4.8%)
6. Кварацхелија (2.9%)
7. Рафинја (2.9%)
8. Донарума (2.0%)
9. Доуе (1.5%)
10. Педри (1.5%)
11. Кристиано Роналдо (1.2%)

— @oddschecker pic.twitter.com/JitkuILFfR

— The Touchline | Football Coverage (@TouchlineX) July 6, 2025