Договорот е јасен: Јунајтед нема да може да го спречи Рашфорд да остане во Барселона!

Манчестер Јунајтед нема да има можност да го спречи Маркус Рашфорд да продолжи да игра за Барселона.

Според информациите од “Мундо Депортиво”, 28-годишниот Рашфорд ќе остане на Камп Ноу доколку Каталонците платат 30 милиони евра, како што е договорено со условите на неговиот договор за заем.

Да потсетиме, вчера британските медиуми објавија дека Мајкл Керик, ако остане тренер на Јунајтед и по летото, ќе се стреми да го врати Рашфорд на Олд Трафорд.

Рашфорд оваа сезона, на 31 меч низ сите натпреварувања, постигна девет гола и додаде девет асистенции, а веќе изрази желба да остане на Камп Ноу.

„Она што го сакам е да продолжам во Барса. Тоа е мојата крајна цел. Барса е голем, фантастичен клуб, поставен за освојување титули. Од самиот старт чувствував голема добредојденост. Се наоѓам на идеално место и средина за да ја продолжам мојата фудбалска кариера, затоа секој ден давам сѐ од себе за да го поддржам тимот кон победите. Ќе видиме што ќе се случи следното лето“, изјави Рашфорд во декември.