Поранешен напаѓач на Јувентус го засилува Милан

Милан има проблеми со напаѓачите оваа сезона. Хименез не ги исполни очекувањата, и затоа во јануари ќе го напушти Сан Сиро.

Како што пренесуваат италијанските медиуми, можно е дресот на “росонерите” да го облече поранешниот напаѓач на Јувентус.

Кајо Жорж пристигна во Торино летото 2021 година за седум милиони евра од Сантос.

Беше на позајмица во Фрозиноне, но не се наметна. По три сезони се врати во Бразил, поточно во Крузеиро за истите седум милиони евра.

Од тој момент одигра 43 натпревари и постигна дури 26 голови со осум запишани асистенции.