Поранешен фудбалер на Њукасл стана хулиган: Доби забрана за влез на стадион

Едно време голем талент на Њукасл, Енди Ферел (40) го мина патот од играње на терените ширум Англија до забрана за присуство на било кој стадион во земјата.

Енди Ферел бил некој кој беше голем талент на Њукасл. Се проби до првиот тим преку познатата генерација од 2002 година, која ги играше квалификациите за Лигата на шампионите против Железничар. Меѓутоа, во тие натпревари не играше.

Од 2002 до 2004 година беше член на Њукасл, а потоа играше за Ватфорд, Јорк, Бароу, Блајт Спартанс и многу англиски екипи. Кариерата ја заврши во 2015 година, а потоа патот го одведе во сосема друга насока, иако остана вљубеник во фудбалот.

Ферел, роден и израснат во Њукасл, отсекогаш беше голем навивач на својот матичен клуб. По играчката кариера, стана хулиган и често влегуваше во проблеми.

Во мај 2023 година му беше воведена забрана за присуство на сите стадиони во Велика Британија. Тогаш 39-годишниот Ферел, заедно со уште тројца навивачи на Њукасл, беше осуден за насилство на денот на натпреварот пред стадионот Сент Џејмс Парк.

BBCSPORT Поранешен фудбалер на Њукасл, забраната за стадион му беше одземена. Енди Ферел, и уште еден маж осудени за нарушување на јавниот ред, сега можат да присуствуваат на фудбалски натпревари. https://t.co/KLzvcz1wQL

— Chelsea FC RSS Feeds (@CFCrss) May 16, 2023

Причината беше што споменатите навивачи се судрија со навивачи на Челси пред паб кој се наоѓаше близу стадионот и се случи на денот на натпреварот. Сè се случи во ноември 2022 година.

Среќа за Ферел, одлуката подоцна беше променета, па му ја укинаа забраната бидејќи судијата утврдил дека насилството во кое бил вклучен нема никаква врска со фудбал, иако некои делови од пресудата останаа на сила.