Полската полиција употреби водени топови против навивачите на Челзи

Во финалето на Конференциската лига во Вроцлав, се сретнуваат Бетис и Челзи, но се чини дека не помина без инциденти и надвор од стадионот.

Пред самиот почеток на мечот, навивачите на Челзи предизвикуваа проблеми пред судирот со Бетис, што ги натера полицајците да реагираат.

Со полициски возила паркирани покрај навивачите, распоредениот воден топ ги дислоцираше поддржувачите на „Сините“ од местото на случувањето. Се уште нема објаснување за причините на интервенцијата, бидејќи на снимката не се гледаат навивачи на Бетис.

Повеќето од навивачите на Челзи пристигнале уште два дена порано во полскиот град, каде до сега имало уште неколку инциденти. Во вторникот претпладнето дошло до конфликти помеѓу навивачите на Бетис и Челзи, по што повторно следела полициска интервенција.

Челзи веќе го обезбеди учеството во Лигата на шампионите наредната сезона, додека Бетис ја заврши сезоната во Шпанија на шестото место.