Сеп Блатер е суспендиран од меѓународниот фудбал, но не молчи за тоа што, според неговото мислење, обидите на Џани Инфантино да се приближи до Белата куќа значат за иднината на спортот.
На 27 мај 2015 година, швајцарската полиција, постапувајќи по налог на ФБИ, влезе во луксузен хотел во Цирих и уапси некои од најмоќните луѓе во светскиот фудбал.
Спорт што не познава граници - Street Workout Macedonia | Уште еден поткаст
Обвиненијата на американското Министерство за правда, засновани на повеќегодишна истрага на ФБИ за корупција во фудбалот, во рок од неколку месеци доведоа до падот на тогашниот претседател на ФИФА, Сеп Блатер, по 17 години на чело на организацијата.
Денес, со 89 години и под суспензија на ФИФА, Блатер се појавува во нова улога – како гласен критичар на неговиот наследник, Џани Инфантино, кој интензивно работеше на зближување со претседателот Доналд Трамп пред првото Светско првенство кое ќе се игра во три држави.
На прашањето како би го опишал стилот на водство на ФИФАпод Инфантино, негов поранешен близок соработник, Блатер беше остар.
„Тој владее како кралот Сонце. Слушнав од самата ФИФА дека не сака да го поздравуваат кога ќе се појави во седиштето – што е ретко – бидејќи некој еднаш му рекол ‘Бонжур, г-дин Блатер’. Никој не смее ни да се вози во лифтот со него. Целосно се изолирал”, рече Блатер за “Политико”.
Сепак, додава Блатер, тоа не важи кога станува збор за односот со Трамп.
„Неговиот однос кон Трамп е потчинет. Наградата за мир за Трамп е несфатлива. Инфантино ја бара наклоноста на Трамп бидејќи му е потребна. Потребна му е и Саудиска Арабија. Саудијците го финансираа Светското клупско првенство со милијарда долари, а ќе бидат домаќини на Светското првенство 2034. ФИФА зависи од саудиските пари”.
Учество во игри на среќа е дозволено за лица со 18+ години. Играј одговорно!