Пет години поминаа откако ја освои Лигата на шампионите, а сега на 29 години ја заврши сериозната фудбалска кариера.

Пред нешто помалку од пет години, Тимо Вернер беше на врвот на европскиот фудбал кога со Челси ја освои Лигата на шампионите, но работите оттогаш драстично се променија на неговата кариера.

Сан Хосе Ертквејкс го потврди доаѓањето на Вернер од РБ Лајпциг, со што напаѓачот го напушти европскиот фудбал и се пресели во МЛС.

Трансферот беше официјално претставен како големо засилување за американскиот клуб, но во Европа беше дочекан со доза неверување.

Вернер беше дел од генерацијата што ја освојуваше Лигата на шампионите, играч кој важеше за еден од најбрзите напаѓачи на континентот. Неговото искачување изгледаше незапирливо, а кариерата му се движеше по патот на најголемите ѕвезди.

Сè се промени побргу отколку што некој очекуваше. Враќањето во РБ Лајпциг требаше да биде нов почеток, можност да ја врати старата форма и да ја потсети фудбалска Европа кој е всушност Тимо Вернер. Но, наместо тоа, следуваа нови осцилации.

Позајмицата во Тотенхем донесе кратки блесоци, но не и континуитет. Вернер сè почесто беше играч од клупата, далеку од статусот на носител на играта кој некогаш го имаше.

Во таков контекст доаѓа одлуката за заминување во Соединетите Американски Држави. Сан Хосе му понуди статус „Designated Player“ и улога на лидер, но цената за тоа беше напуштање на европскиот фудбалски центар.

Иако МЛС последните години се зајакнува и носи звучни имиња, заминувањето во Америка на 29 години за играч од профилот на Вернер се доживува како јасен знак за падната патека.