Перез пред искушение: Да го продаде Винисиус за да купи тројца фудбалери

Понудата која Реал Мадрид и Винисиус ја имаат на маса никого не остава рамнодушен, па ниту самиот Флорентино Перез, кој сега е пред големо искушение.

Кога Нејмар во неговото најдобро време играше за Барселона, тогаш пристигна неморална понуда од Париз од 222 милиони евра. И денес ова е најголемата сума дадена за еден фудбалер.

Нејмар по Париз замина за Саудиска Арабија, а сега со 32 години се враќа во матичниот клуб Сантос. Изгледа дека неговото време помина, но заработи неверојатна сума на пари.

Саудијците многу добро знаат дека за ангажирањето на Винисиус ќе бидат потребни досега невидени бројки во фудбалот. За Реал Мадрид подготвени се 300 милиони, а за Винисиус дури милијарда.

Познатиот новинар Сиро Лопез смета дека првиот човек на кралскиот клуб треба да ја прифати понудата, а потоа да доведе три класни играчи.

„Продади го Винисиус, па ангажирај го најдобриот стопер во Европа за 70 милиони евра, со 80 милиони евра може да се потпише најдобриот лев бек, а со останатите пари може да се потпише играч за врска кој би ги извршувал повеќе или помалку задачите што ги извршуваше Тони Крос”, порача Лопез.