Агентот на Тонали: Тој нема преференции меѓу Арсенал и Јувентус

Aгентот на Сандро Тонали – Џузепе Ризо, појасни дека летово ќе има разговори меѓу играчот од средниот ред и неговиот клуб Њукасл во врска со неговата иднина.

Исто така, тој увери дека за сега италијанскиот репрезентативец нема преференции меѓу Арсенал и Јувентус, со кои се поврзува во последните денови.

“За Њукасл е тешко да се разделат со Сандро, а тој сака да го однесе клубот до Лигата на шампионите. Овие трансфер разговори ќе се одржат подоцна. Ќе видиме како ќе заврши сезоната и ќе решиме што ќе правиме. Засега тој нема преференции, уште е рано. Она што го кажуваме денес, можеби утре нема да важи. Во Њукасл не сакаа да се разделат со него сега и не стануваше збор за негово заминување, бидејќи Сандро навистина е поврзан со клубот. Ќе видиме што ќе правиме на лето”, коментира Ризо за “Тутоспорт”.