Пеп потврди навистина лоши вести за Халанд

Манчестер Сити навести, а Пеп Гвардиола прецизира – Ерлинг Халанд нема да се врати на теренот пред крајот на мај.

Норвежанецот го повреди зглобот во дуелот со Борнмут во ФА Купот, а денес беше на детални прегледи кај специјалисти во Барселона, кои потврдија дека ќе мора да земе подолга пауза.

„Се надевам дека ќе се опорави што е можно порано за да може евентуално да игра сезонава. Докторите рекоа дека ќе паузира од пет до седум недели, така што нè оставаат да се надеваат дека ќе биде подготвен за ФИФА Светско Првенство за клубови“, рече Пеп Гвардиола.