Пеп Гвардиола имал жестока расправија, откриено и со кој фудбалер на Манчестер сити

Гребаниците кои пред неколку недели се појавија на главата на Пеп Гвардиола предизвикаа огромно внимание, а сега е познато со кој играч се тренерот на Манчестер Сити имал конфликт пред да се повреди.

Сити победи само еден од последните 12 натпревари и притисокот почна да се зголемува врз Гвардиола за да ја врати формата на тимот.

Откако Сити изгуби предност од три гола и одигра нерешено против Фејенорд (3:3) во Лигата на шампионите минатиот месец, Шпанецот се појави по натпреварот со гребаници на лицето.

Тој рече дека носот го изгребал со нокот, пред да додаде: “Сакав сам да се повредам”, по што јавно се извинуваше за својата изјава.

Гвардиола понатаму се извини и порача дека неговиот одговор никако не бил со намера да ја намали сериозноста на многу сериозното прашање на самоповредување.

Подоцна потврди дека гребаницата на неговиот нос навистина е предизвикана од нокот, но не објасни што ги предизвикало другите црвени траги на врвот од неговата глава.

Тоа беше се додека не им рече на новинарите дека има кожна болест која бараше лекување неколку години. Тоа беше пред поразот во градското дерби против Јунајтед со 1:2.

Новинарот Гилем Балаг, кој има блиски односи со Гвардиола, откри дека ноктот навистина ги предизвикал трагите, но дека кавгата со десниот бек Кајл Вокер ја влошила ситуацијата.

“Тој се чеша по главата, не прашувајте ме зошто. Тоа е гест на нервоза. Обично ништо не се случува. Но тој ден ноктот беше премногу остар.”

“Ако се сеќавате, натпреварот го почна со покриен нос. Тоа е затоа што претходниот ден дојде до кавга, фудбалска кавга, околу позициониот фудбал и каде Вокер требаше да игра.

“Само што стана нервозен, го повреди носот и му ставија фластер во својата канцеларија. По крајот на натпреварот отиде во соблекувалната и почна да се чеша по главата.”

“Беше тоа еден од тие денови. Покажа дека е напнат и нервозен. Се сомнева, многу, во себе. Секогаш е така. И му треба подршка”, раскажа Балаг.

Манчестер Сити се наоѓа во невидена криза. Нов болен удар стигна за викендот со поразот од Астон Вила и сега Граѓаните ги очекува борба за пласман во Лигата на шампионите.