Рекордот за професионален англиски фудбал беше поставен на дуелот помеѓу U-21 екипите на Астон Вила и Блекпул, одигран вчера во борба за ЕФЛ трофејот. По натпреварот што заврши 1:1 и маратонот од белата точка, победа запиша тимот на Астон Вила со конечни 18:17.
Топката не заврши во мрежата во два од првите пет обиди, а потоа беа потребни уште 33 удари за да се одлучи победникот на дуелот. Трагичар беше Џордан Лоренс-Габриел, кој во 38. пенал во серијата погоди во рамка, откако претходно беше прецизен на распукувањето.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Стив Брус, поранешен фудбалер на Манчестер Јунајтед, кој во тренерската кариера го водел и Астон Вила, пред да го преземе Блекпул во септември оваа година, изјави по драмата дека никогаш не видел вакво нешто. И не можеше, бидејќи тоа е рекорд при распукување на пенали во англискиот професионален фудбал, истакнува БиБиСи.
Апсолутниот рекорд го држат аматерските екипи на Вашингтон и Бедлингтон, кои пред две години на натпревар за титулата во Ернест Армстронг меморијал купот изведоа 54 пенали. Со победата, Астон Вила остана единствената U-21 екипа во турнирот, во кој право на настап имаат англиските третолигаши и четвртолигаши, како и младите тимови на 16 англиски премиерлигаши.
Учество во игри на среќа е дозволено за лица со 18+ години. Играј одговорно!