Пелистер се спаси од пораз: Хосни во последна секунда погоди против Алкалоид (Видео)

Фото: Принтскрин

Актуелниот ракометен шампион Пелистер освои голем бод на гостувањето кај Алкалоид во Автокоманда, откако во последните секунди Хосни погоди за 33-33.

Битолчани го отворија натпреварот со водство, но Алкалоид брзо ја презеде иницијативата и поведе со 6-4. Првото полувреме заврши 15-14 во корист на домаќините.

Во вториот дел, скопскиот тим успеа да стигне до водство од четири голови, но Пелистер брзо го намали резултатот и го држеше натпреварот тесен. Во самиот финиш, Алкалоид не искористи шанса за победа, а Хосни го израмни резултатот за конечни 33-33.