Ова се првите фаворити за трофејот во ЛШ – клубот со најголеми шанси никогаш не ја освоил!

Компанијата Opta, која е специјализирана за статистика, ги објави своите предвидувања за Лигата на шампионите.

По одиграни две кола, дошло до промени во редоследот на фаворитите за европската титула.

Пред првото коло и по жрепката, најверојатни шампиони беа сметани англиските шампиони Ливерпул со 17,2 проценти. Сега, пак, на врвот се најде Арсенал, пред Ливерпул и минатогодишниот победник ПСЖ.

Лондонскиот тим никогаш не ја освоила Лигата на шампионите, но оваа сезона тргна со победи против Олимпијакос и Атлетик Билбао со идентичен резултат 2:0 и има максимален учинок, исто како Бајерн, Реал, ПСЖ, Интер и Карабаг.

Фаворити за освојување на Лигата согласно Opta:

Арсенал – 18.09 проценти
Ливерпул – 14.70 проценти

ПСЖ – 13.96 проценти
Манчестер Сити – 9.71 проценти
Бајерн – 9.50 проценти
Барселона – 8.25 проценти

Реал Мадрид – 4.94 проценти

Нов фаворит за титулата во Лигата на шампионите 2025-26 според Opta по натпреварите од второто коло.

Погледнете ги најновите проекции овде. ⬇️

— Opta Analyst (@OptaAnalyst) October 2, 2025