Откриено колку ќе заработува Анчелоти како селектор на Бразил!

Карло Анчелоти е официјално назначен за нов селектор на фудбалската репрезентација на Бразил.

Италијанскиот експерт ќе ја преземе функцијата на 26 мај, веднаш по завршувањето на сезоната со Реал Мадрид, со што и формално ќе заврши неговиот втор мандат на клупата на „кралскиот клуб“, со кој освои две Ла Лиги и дури три Лиги на шампиони.

Анчелоти имаше уште една година договор со Реал, но по пријателските разговори со раководството на клубот и Фудбалската федерација на Бразил (CBF) беше постигнат договор за предвремен раскин.

Според The Athletic, Анчелоти уште на крајот на април го информирал раководството на Реал за неговата одлука, а во меѓувреме завршени се сите детали за неговиот ангажман со Бразил.

Неговиот мандат е предвиден до крајот на Светското првенство 2026 година, кое ќе се одржи во Соединетите Американски Држави, Канада и Мексико.

Според пишувањето на шпанскиот лист AC, Анчелоти ќе заработува на селекторската позиција во Бразил дури 770.000 евра месечно, односно 9.200.000 евра годишно, што го прави најплатениот селектор во светот.

Оваа плата е двојно поголема во однос на она што го заработуваа неговите претходници Тите и Доривал Жуниор, а го надминува и досегашниот рекорд што го држеше Томас Тухел, селекторот на Англија, со годишна плата од 6 милиони евра.