Откриени нови детали за трејдот на Дончиќ – за сè е виновен Денвер?!

Сопственичката на Лос Анџелес Лејкерс, Џини Бас, откри нови детали за трејдот на Лука Дончиќ.

Бас откри дека Дејвис бил незадоволен од својата улога во тимот, што ги навело Лејкерс да се согласат на оваа размена.

„Дејвис се жалеше на позицијата на која играше“, изјавила Бас, додавајќи дека одлуката за трејдот била корисна за двете страни, пренесува „Баскетњуз“.

Иако Дејвис не побарал експлицитно трејд пред да биде вклучен во договорот со Маверикс, јасно е дека не бил целосно задоволен во Лос Анџелес.

Исто така, според информациите на Тим Бонтемпс од „ЕСПН“, Далас планира да го трејдира Дејвис во лето за да ја искористи неговата вредност максимално, бидејќи „Маверикс немаат шанси да освојат прстен со овој тим“.

„Последниве три години губевме во плеј-офот од Денвер Нагетс и навистина немавме ништо што би изгледало различно во претстојните плеј-офови“, кажала Бас.