Шефот на Ла Лига Хавиер Тебас упати повторна критика кон останатите големи првенства во Европа, при што особен фокус овојпат, како и обично, беше насочен кон Манчестер Сити и Пари Сен Жермен. Тебас повторно се изјасни против неразумното трошење во останатите лиги, но истакна дека тоа на крајот не успева да им даде очекувано предност.
„Фудбалот е глобален и во натпреварите од европските турнири се соочуваш со клубови кои работат по различен систем. Кај нив или недостасува финансиска контрола, или таа е различна. Во Англија веќе се загрижени за нивото на долговите во домашниот фудбал. Тоа е лига каде постојано се создаваат загуби. Можеш да бидеш со загуба 1-2 или 3 години, но не и 4, 5, 6, 7, 8, 9 или 10 години како Манчестер Сити, кои губат пари, но прават измами уште од кога овие сопственици се таму,“ започна излагањето Тебас.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„ПСЖ има претрпано загуби од 200 милиони евра во текот на седум последователни години. Но, ние продолжуваме да се бориме и резултатите се очигледни. Шпанските клубови имаат освоено 30 трофеи во Европа во овој век и сме далеку пред Премиер лигата. Во добра состојба сме, но имаме и понатаму некои недостатоци. Треба да се справиме со нив за да освојуваме уште повеќе и да бидеме конкурентни. Има проблем со билетите. Имаме дефицит од околу 600 милиони евра секоја сезона во споредба со Премиер лигата и Бундеслигата. Најголема е разликата во ВИП ложите и специјалните понуди. Стадионите во Шпанија имаат само околу 4,3% ВИП ложи, во Бундеслигата се околу 9%, а во Англија 11,5%. Треба да го измениме тоа, што е и една од причините за парите од CVC.
Учество во игри на среќа е дозволено за лица со 18+ години. Играј одговорно!