ГРК Охрид го објави првото засилување за следната сезона, а станува збор за искусниот чувар на мрежата Дино Славиќ, кој е стандарден член и на хрватската репрезентација.
Со овој потег, охриѓани веќе почнуваат да го креираат ростерот за новата сезона, а изборот на првото засилување јасно покажува дека клубот има сериозни амбиции.
Исхрана, повреди и тренинг – совети од доктор по спортска медицина | Уште еден поткаст
Славиќ стави потпис на двегодишен договор и ќе му се приклучи на тимот по завршувањето на актуелната сезона.
„Дино Славиќ е првото засилување на ГРК Охрид за наредната сезона!
Хрватскиот репрезентативен голман Дино Славиќ (33 години, 185 цм) ќе го носи дресот со бр.12 миниум 2 сезони. Дино доаѓа од екипата на Лимуж по 3 сезони минати таму, а претходно го носеше дресот на Загреб и Адемар Леон. Има одлични и забележителни настапи за хрватската репрезентација“, стои во соопштението на Охрид.
Самиот Славиќ истакна дека имал повеќе понуди, но на крајот се одлучил за Охрид токму поради визијата и напредокот на клубот.
„Сметам дека Охрид е еден добар проект, разговарав многу со играчите и управата. Имав неколку понуди, но се одлучив за Охрид, резултатите се се`подобри од година во година, клубот напредува. Слушнав се најдобро за Охрид како клуб и место за живот. Среќен сум што доаѓам тука и се надевам дека ќе му помогнам на клубот да ги исполни сите амбиции кои ги има. Македонската лига од година во година е се подобра, ќе се игра и Европа и тоа ќе биде дополнителен мотив“,изјави Дино Славиќ.
Учество во игри на среќа е дозволено за лица со 18+ години. Играј одговорно!