Охрид има шампионски амбиции – потпиша со големо засилување од Бундеслигата

Македонскиот ракометен суперлигаш Охрид продолжува со сериозни засилувања за следната сезона, сигнализирајќи дека има амбиции да се вмеша во борбата за шампионската титула. Клубот активно работи на оформување на силен состав, подготвен за највисоките предизвици во домашното првенство и евентуално на меѓународната сцена.

Најновото засилување во редовите на охридскиот тим е искусниот лев бек Анте Иванковиќ, кој пристигнува од германската Бундеслига.

Покрај ова засилување, клубот претходно обезбеди уште неколку нови имиња кои ќе бидат на располагање на српскиот стратег Борис Ројевиќ. Во Охрид веќе пристигнаа словенечкиот десен бек Тилен Штрмљан, грчкиот среден бек Никола Лиапис и српскиот десен бек Предраг Вејин.