Официјално: Баерн има нов голман

Како што беше најавено во последните денови, Баерн Минхен вечерва и официјално потпиша договор со младиот голман Јонас Урбиг.

Овој 21-годишен голман му се приклучи на германскиот гигант од Келн, за кого сезонава забележа 11 настапи, а со Баерн потпиша договор до 2029 година.

Урбиг е свесен за големите очекувања и дека Баерн во него гледа наследник на легендарниот Мануел Ноер.

„Баерн е еден од најголемите клубови во светот. Горд сум што сум овде сега и со нетрпение очекувам да се сретнам со мојот нов тим наскоро. Целта ми е да работам професионално на себе секој ден и да продолжам да се развивам во нашата голманска група предводена од Мануел Ноер“, нагласи Урбиг на промоцијата.