Аргентинскиот тренер Мартин Анселми ја презеде должноста како шеф на стручниот штаб на португалскиот фудбалски гигант Порто. Овој 39-годишник, кој го замени домашниот стручњак Витор Бруно, потпиша договор со Порто до крајот на сезоната 2026/27. Порто е на третото место во португалското првенство со 41 бод, исто колку што има и второпласираната Бенфика, а лидер е Спортинг со 47 бодови.
Змејовите стојат послабо во Лигата на Европа, каде што се наоѓаат на 25-то место од 36 екипи пред последното коло. Витор Бруно минатата недела мораше да се прости од тимот поради лошите резултати, откако беше тренер на Порто од 1 јули минатата година. Сега ќе го наследи Анселми, кој претходно го водеше мексиканскиот Круз Азул.
До кога ќе дишеме отровен воздух!? | Уште еден поткаст
Оваа сезона сите три португалски великани ги сменија своите тренери бидејќи исто така таков потег претходно направија Бенфика и Спортинг. Локалните медиуми во Португалија известуваат дека ова се случило првпат во историјата на португалското првенство.
Учество во игри на среќа е дозволено за лица со 18+ години. Играј одговорно!