Од ѕвезда до „вишок“ во Барселона: Ансу Фати го избрал новиот клуб

Ансу Фати (22) би можел во јануарскиот преоден рок да ја напушти Барселона. Неговиот нов клуб, по сè изгледа, ќе биде Жирона.

Ансу Фати за неколку години помина пат од најголема ѕвезда во најава до резервист кој ретко добива шанса за игра. Повредите го направија своето и 22-годишниот офанзивец повеќе не е истиот фудбалер.

Оваа сезона Фати игра многу малку кај Ханси Флик. Настапил само на седум натпревари и поминал 158 минути на теренот.

Тоа секако не го задоволува младиот фудбалер. Тој сака да игра редовно, но конкуренцијата е моментално преголема и многу е можно Ансу овој јануари да ја напушти Барса.

Неговиот нов клуб би можела да биде Жирона. Каталонскиот тим испратил понуда за Фати и сега се чека одговор од Барселона.

Проблеми веројатно нема да има. Можно е Фати да оди на позајмица до крајот на сезоната со евентуален откуп на договорот, но не е исклучен ниту комплетен трансфер.

Покрај Фати, Жирона би сакала да се се ослободи и од Ерик Гарсија. И за него има понуда на маса, па лесно може и тоа да се случи.

На клубот му е потребно секое евро поради силните финансиски проблеми и ќе мора да продаде одредени фудбалери за да ангажира нови.

Ансу Фати некогаш вредеше 80 милиони. Сега вреди 10 и тоа е бројката за која каталонскиот великан е подготвен да го пушти.

22-годишниот напаѓач во дресот на Барса одигра 119 натпревари и има учинок од 29 голови и девет асистенции. Не ги исполни големите очекувања за кариерата, повредите го уништија и шансата да се врати на вистинските патеки ќе ја има по сè изгледа, во дресот на Жирона.

Од друга страна, Ерик Гарсија веќе играше во Жирона на позајмица.

Барса лани летоска одлучи да го врати поради недостаток на квалитетни дефанзивни решенија. Оваа сезона настапил во 13 натпревари.

Сепак, фактот што не е стандарден ни него не го прави среќен. Подготвен е да си оди и ќе видиме дали навистина ќе го направи тоа.