Oфицијално: Викендов нема второлигашки фудбал, се одложува првото коло

Нема да се игра второлигашки фудбал во викендот кој следи затоа што од ФФМ денес потврдија дека првото коло и официјално се одложува.

„Комисијата за натпреварување при ФФМ донесе одлука со која се одложуваат натпреварите од првото коло на ВМФЛ. Комисијата за натпреварување дополнително ќе го одреди терминот за одигрување на одложените натпреварите од првото коло во ВМФЛ“, стои во соопштението од фудбалската федерација на Македонија.

За второто коло нема да има промени и тоа ќе се одигра на 20. август како и што беше планирано.