Најмладите скијачи на Пониква треба да добијат подобри услови за учење во претстојната зимска сезона. На планинската дестинација веќе е донесена скијачка лента, чија монтажа ќе следува откако ќе се подготви теренот.
Од „Ски Надја“ соопштија дека сега се работи на уредување на местото за новата опрема. По поставувањето ќе треба да се завршат и преостанатите активности за лентата да може да се користи во текот на зимата.
Инвестицијата е насочена кон децата што допрва ќе учат да скијаат, но и кон семејствата и посетителите кои ја избираат Пониква за зимска рекреација.
„Ски Надја“ ги има под закуп двата ски-лифта на Пониква за период од десет години. Договорот со Општина Кочани е потпишан на 10 февруари 2026 година, по јавното наддавање од 30 јануари.
Со понуда од 40.100 денари месечно, компанијата понудила највисока закупнина. Покрај плаќањето на тој износ, нејзина договорна обврска е да се грижи за одржувањето на ски-лифтовите и за нивната безбедна работа без прекини.
Учество во игри на среќа е дозволено за лица со 18+ години. Играј одговорно!