Oткриено колку ќе паузира Фати

Сезонава Барселона покрај финансиските проблеми има големи проблеми и со повредите.

Каталонскиот тим никако не успева да го собере во целост составот, посебно големи се проблемите во офанзивната линија. Во овој момент во „аут“ се Агуеро, Дембеле и Фати. Ансу Фати последен се повреди во натпреварот против Селта во саботата.

Младиот фудбалер повторно се повреди, иако претходно паузираше цели пет месеци. Барселона потврди дека Фати е повреден и има проблем со мускулот, но не откри колку ќе паузира. Сепак, Радио Каталуња“ открива дека Фати ќе паузира од четири до шест недели.

Ако овие информации се точни Чави Фати ќе го има на располагање дури на почетокот на декември.