Ништо од С. Арабија: Грилиш го напушта Манчестер, но останува во Англија!?

Уште во 2021 година, Манчестер Сити го купи Џек Грилиш за 117,5 милиони евра и тоа тогаш беше рекорд за тимот од „Етихад“. Но, Англичанецот со време целосно изгуби форма и сега претежно влегува од клупа.

Грилиш пристигна како најголемото засилување за Сити по одличните настапи во дресот на Астон Вила и го доби бројот 10, но не се наметна како еден од најдобрите играчи и сега се сè поголеми шансите да го промени клубот.

Според пишувањето на британските медиуми, Тотенхем многу е заинтересиран за услугите на Грилиш, а можниот трансфер Англичаните го нарекоа „шокантен“.

Како што тврди поранешниот играч на Ливерпул, Астон Вила и Нотингем Форест, Стан Колимор, Грилиш ќе изненади со трансфер на крајот од сезоната, а тоа навистина може да го направи доколку потпише за противникот од северниот Лондон.

Се споменуваше дури и Саудиска Арабија, но Грилиш нема намера да замине од Островот.