Дома Останати Кошарка Неверојатниот Дончиќ испиша историја против Белгија: Ваков натпревар не одиграл никогаш претходно за Словенија!

Неверојатниот Дончиќ испиша историја против Белгија: Ваков натпревар не одиграл никогаш претходно за Словенија!

Кошаркарската репрезентација на Словенија ја запиша својата прва победа на Евробаскетот, откако ја совлада селекцијата на Белгија со 86:69, во третото коло од Група Д на Евробаскетот. Претходно, тимот на Александар Секулиќ беше поразен од Франција и Словачка, но овојпат избегнаа ново изненадување.

Словенците го наметнаа својот ритам од почетокот на натпреварот, додека белгиската одбрана изгледаше неподготвено и расеано, по десет минути игра резултатот беше 16:10. Брзо се истакна Лука Дончиќ кој имаше стабилна поддршка од соиграчите, што резултираше со двоцифрена предност на полувреме – 43:31. Плејмејкерот на Лејкерс веќе имаше 19 поени, шест скока и две асистенции на тој момент, навестувајќи незаборавен натпревар.

Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст


Во третиот дел, “змејчињата” успешно одбија атакот од противникот и мирно патуваа кон победата – 60:44. Четвртата четвртина беше само формалност за Словенците, а Дончиќ успеа да стигне до својот прв трил-двојка во националниот дрес. Со ова, тој стана четвртиот играч што му успеало тоа во историјата на Европските првенства.

Дончиќ натпреварот го заврши со 26 поени, 10 скока и 11 асистенции. Неговата игра ја следеше Препелиќ со 11 поени и 5 асистенции, а меѓу најефикасните Словенци беше Стергар со 9 поени. Во поразениот тим, најдобар беше Ван Влиет со 15, а Лекомте со 13 поени.

Коментари
Прочитајте поврзани статии
Load More In Кошарка

Проверете

Шок за Србија: Капитенот го заврши настапот на Евробаскетот!

Капитенот на Србија, Богдан Богдановиќ, не може повеќе да игра на Евробаскетот! Според инф…