Нема да се исполни желбата на Анчелоти: Слот го разочарал Реал Мадрид

Пред неколку седмици, се појави информација дека Реал Мадрид и Ливерпул сериозно преговараат за размена на фудбалери, но сега од Анфилд испратија јасна порака дека од тоа нема да биде ништо.

Реал Мадрид и Ливерпул веќе месеци се во центарот на вниманието поради “битката” околу Трент Александер-Арнолд на кого на крајот од оваа сезона му истекува договорот со англискиот клуб.

Александер-Арнолд го посакува Реал Мадрид, кој веќе му понуди договор, но Ливерпул не се откажува од него и според последните информации кои пристигнаа од Островот тој е поблиску до останување на Анфилд отколку до преселба во шпанскиот клуб.

Меѓутоа, Александер-Арнолд не е единствениот за кој Реал и Ливерпул се во контакт, бидејќи се шпекулира дека разговараат за размена на играчи.

Кралевите покажаа голем интерес за Рајан Гравенберх кој игра извонредно оваа сезона за Црвените, и во Реал веруваат дека Холанѓанецот може да биде вистинска замена за Тони Крос.

🚨 Ливерпул нема НАМЕРА да го продаде Рајан Гравенберх или да ја разгледа можноста за размена со Реал Мадрид за Орелиен Чуамени.

Холанѓанецот е клучен играч и изведувач во тимот на Арне Слот.

(Извор: @plettigoal) pic.twitter.com/KmLbVK1sP4

— Transfer News Live (@DeadlineDayLive) 18 декември, 2024

Орелиен Чуамени не се покажа доволно во таа улога и Реал е подготвен во спротивниот правец да го ослободи францускиот везист, и се чинеше дека Ливерпул е заинтересиран за таква договорка.

Меѓутоа, утрово од Англија пристигнуваат нови информации и јасна порака од Ливерпул дека не размислуваат воопшто за пуштање на Гравенберх.

Арне Слот стапил во контакт со управата на клубот откако до него стигнале шпекулациите од медиумите за Гравенберх и Чуамени за да провери дали има вистина во сето тоа, и јасно порачал дека воопшто не сака таква размена на играчи.

Гравенберх е еден од клучните играчи во тимот на Слот и затоа тренерот на Ливерпул не сака ниту да слушне дека тој може да го напушти клубот.

Од Ливерпул јасно испратија порака до Реал Мадрид дека нема повеќе преговори на таа тема и дека Гравенберх не е на продажба, и дека тој е еден од недопирливите во тимот на Црвените.

Така што, Кралевите ќе мора да се свртат кон други решенија бидејќи на Анфилд очигледно се затворени вратите за продолжување на преговорите.