Нема да ги следи стапките на Гомез и Рибери: Милер знае каде сигурно нема да продолжи

Томас Милер има многу понуди, а една од нив доаѓаше од Фиренца.

Фиорентина сакаше искусен напаѓач во својата екипа, и тоа по проверен рецепт, да потсетиме на Рибери и Гомез кои настапуваа за Бајерн, па потоа се преселија токму во Виола.

Сепак, со Милер тоа нема да биде случај.

Овој 35-годишен фудбалер ја одби понудата која пристигна од Фиорентина, а објаснувањето кое го даде беше едноставно – не е заинтересиран.

Се чини дека Милер би сакал добро да ги наплати своите последни години како професионален фудбалер, па треба да се очекува премин во лига како Саудиска Арабија или MLS.