Остануваат уште три месеци до крајот на сезоната во европскиот фудбал, а Ливерпул сè уште не го решил прашањето за иднината на трите многу важни играчи.
Сега веќе и птиците на гранките знаат за кого станува збор: Мохамед Салах, Вирџил ван Дајк и Трент Александер-Арнолд. Играчите од златната генерација на Ливерпул, под водство на Јирген Клоп, кои претходно ги вратија насмевките на “Енфилд”, а сега по периодот на сомнеж, го прават истото и со Арне Слот на клупа.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Сите тројца летово можат да го напуштат Мерсисайд без обештетување, иако е извесно дека тоа нема да биде случајот. Надежниот инсајдер Дејвид Орнштајн зборуваше на оваа тема, истакнувајќи дека владее оптимизам во клубот за останувањето на Салах и Ван Дајк, додека Трент е најблиску до заминување во Реал Мадрид.
Првите двајца се многу заинтересирани за останување и постојат преговори. Без никакво сомнение, Ливерпул сака да останат двајцата, но ќе мора тоа да го покажат и на финансиското поле. Ништо сè уште не е официјално определено. Ни нивните заминувања, ниту останувања. Истото важи и за Трент Александер-Арнолд.
Сакаат да бидат внимателни, преговорите да не влијаат на тековните резултати на екипата кои се феноменални и стрпливо пристапуваат на случаите. Сепак, часовникот отчукува…
Учество во игри на среќа е дозволено за лица со 18+ години. Играј одговорно!