Нејмар, сепак, нема да игра за Бразил

Нејмар доби повик од селекторот Доривал Жуниор, но поради повреда ќе мора да го откаже учеството во овие квалификациски натпревари.

„Последните денови, по повикот на 6 март, медицинскиот сектор на бразилскиот национален тим, предводен од д-р Родриго Ласмара, нè извести за состојбата на сите спортисти, особено на Данило, Нејмар и Едерсон. Наместо нив, повикани се Лукас Пери од Лион, Алекс Сандро од Фламенго и Ендрик од Реал Мадрид“, кажа селекторот.

Во претстојниот репрезентативен „прозорец“, Бразилците ги очекуваат два дерби-натпревари, дуелот со Колумбија, во ноќта меѓу четврток и петок по наше време, и гостувањето на најголемиот ривал Аргентина во Буенос Аирес, во ноќта меѓу 25 и 26 март.