Нејмар: Реал Мадрид ми понуди „бланко чек“

Бразилскиот фудбалер Нејмар во подкаст зборуваше за некои многу интересни детали од неговата кариера, за кои јавноста не знаеше досега.

Откри дека можел да потпише со Реал Мадрид, пред да ја прифати понудата од Барселона, каде што подоцна стана легенда.

„Понудата од Реал беше бланко чек. Ми рекоа дека можам да имам што и да посакам, но јас посакував да играм во Барселона со цело срце. Ќе заработев три пати повеќе во Реал. Флорентино Перез секогаш ме сакал. Но Роналдињо тогаш играше во Барса, а јас сакав да играм со Меси“, изјави Нејмар.