Навивачите не можат да си поверуваат: На Ѓоковиќ ова не му се случило 19 години

Јакуб Меншик успеа по драма од два тајбрејка да го совлада Новак Ѓоковиќ со 7:6(4), 7:6(4) и да ја освои титулата на мастерсот во Мајами, а тенисерот од Србија го доживеа слично нешто пред дури 19 години.

По втор пат во кариерата, Ѓоковиќ во финале од АТП турнир беше поразен од играч кој не беше меѓу најдобрите 50 во светот. Пред финалето Меншик беше 54-ти тенисер на светот, па така стана најслабо рангираниот играч некогаш што ја освоил титулата на Флорида.

Од овој понеделник Меншик е 24-ти тенисер на светот, а претходно на Новак му се случи да биде поразен во финале од играч надвор од Топ 50 во далечната 2006 година. Во Умаг беше поразен од Стан Вавринка кој беше 69-ти на планетата.

Меншик стана вториот играч по Мајк Ченг (1990 година) кој освоил мастерс, а бил надвор од Топ 20.

Младиот Чех направи вистинско чудо бидејќи стана и првиот играч кој освоил мастерс со седум и повеќе освоени тајбрејкови на патот до титулата. Единствено уште Џон Иснер освои седум тајбрејкови, но тогаш не ја подигна титулата.

7 – Since the format’s introduction in 1990, Jakub Mensik has become the first player to win 7+ tiebreaks en route to tournament victory at an ATP Masters 1000 event, and only the second player outright after John Isner. Rhythm.#MiamiOpen | @MiamiOpen @atptour @ATPMediaInfo pic.twitter.com/BeJ5klsQW5

— OptaAce (@OptaAce) March 31, 2025