Навивачите на четвртолигашот приредија лудо славје по елиминацијата на Јунајтед од купот

МАНЧЕСТЕР ЈУНАЈТЕД беше сензационално отстранет од ЕФЛ купот од четвртолигашот Гримсби по пеналите (2:2, 12:11). Натпреварот заврши 2:2 по 90 минути игра, по што се премина на изведување пенали каде што фудбалерите на Јунајтед не успеаја да продолжат понатаму, дури по 13-та серија.

Мрежата за Гримсби ја затресоа Чарлс Вернам во 22-та и Тајрел Ворен во 30-тата минута од натпреварот. За Јунајтед стрелаа Брајан Мбеумо во 75-тата и Хари Мегваер во 89-тата минута.

Иако даде гол, Мбеумо стана трагичарот на натпреварот затоа што тој беше тој што промаши пенал во 13-тата серија. По неговиот неуспех настана хаос на теренот. Голем број домашни навивачи навлегоа на теренот и го прославуваа ова големо достигнување заедно со играчите.