Наполи му го зема Скудетото на Интер, а сега и посакуваното засилување!?

Интер беше на праг да го донесе големото засилување од Аталанта во облик на крилниот напаѓач Адемоле Лукман, но утрово од Италија доаѓаат „бомбастични“ вести кои велат дека Наполи „влета“ во целата приказна и дека е подготвен да му го одземе сјајниот Нигериец, кој е и на мета на Атлетико Мадрид, но повеќе му се допаѓа да остане во Италија.

Аталанта претходно оваа седмица ја отфрли понудата на Интер од 40.000.000 евра за Лукман, бидејќи бара целосни 50.000.000, се очекуваше продолжување на преговорите и сите страни да се најдат некаде на средина, но сега се појави Антонио Конте.

Наполи е подготвен да плати отштета од 45 до 50 милиони евра, а адутот во однос на Интер е што на Лукман му нуди поголема плата за милион.

Интер му обезбеди веќе 16.000.000 евра по сезона, а Наполи ќе оди на 17.000.000.

Ова би требало да значи дека Наполи се откажал од Дан Ендој од Болоња.

Фото: Принтскрин