На Реал тешко може да му се каже „не“: Еден од најголемите таленти се сели во Мадрид за 45 милиони евра!

Еден од најперспективните аргентински фудбалери, Франко Мастантуоно, може да заврши во тимот на Реал Мадрид, наместо да се придружи на ПСЖ!

Еден од истакнатите претставници на мадридскиот клуб замина за Буенос Аирес со цел лично да го убеди 17-годишниот Аргентинец да одбере Мадрид како своја следна дестинација, наместо Париз.

Оваа експедиција ја предводи директорот Хуни Калафат, кој ја послуша препораката на Сантјаго Солари – главниот поборник да го донесат скапоцениот играч во Реал, Франко Мастантуоно, токму од Ривер Плате.

Реал Мадрид е подготвен да ја активира неговата откупна клаузула од 45 милиони евра, а се чини дека младиот фудбалер веќе дал позитивен одговор, бидејќи е тешко да се одбие понуда од “кралскиот” клуб.

Сепак, се очекува младиот плејмејкер да продолжи да игра за својот Ривер во текот на следната година, додека го развива својот потенцијал под водство на Марсело Гаљардо.

Но, во Реал се уверени дека оваа инвестиција ќе се покаже како „плодна“ во иднина и како некогаш со Винисиус Жуниор и Родриго, не сакаат да ја пропуштат оваа шанса да го донесат младиот Аргентинец во нивните редови.