Mурињо му одговори на Пеп: Гледам дека зборува за мене, ја не сакам победи за кои се водат судски процеси!

Зад Жозе Мурињо е богата тренерска кариера во која изгради многу ривалства со други менаџери, а еден од нив е и Пеп Гвардиола.

Сè започна во 2010 година со дуелот меѓу Интер и Барселона во полуфиналето на Лигата на шампионите, кога Мурињо го надмудри Пеп и го однесе Интер во финалето, а потоа и до титулата шампион на Европа.

Жозе Мурињо му возврати на Пеп Гвардиола:

“Тој освои шест трофеи, а јас три, но јас ги освоив чесно и чисто.

“Ако изгубам, сакам да му честитам на противникот затоа што беше подобар од мене.

“Не сакам да победувам преку 150 судски случаи.” 💀

ПРОЧИТАЈ ПОВЕЌЕ:… pic.twitter.com/eWwNuUk3ks

— Hayters TV (@HaytersTV) 6 декември 2024

Потоа тие двајца се сретнаа и како менаџери на Реал и Барса, како и Манчестер Јунајтед и Сити, а денес повторно се разгореа искрите меѓу Пеп и Мурињо, откако Португалецот жестоко возврати на последната изјава на Шпанецот.

Гвардиола изјави дека двајцата се слични, но дека тој освоил двојно повеќе титули во Премиершипот од Мурињо.

“Се надевам дека со мене нема да биде така. Жозе и јас сме слични, но тој го освои првенството трипати, а јас шестпати. Сè уште сме слични. Во тоа сме согласни. На тој начин покажуваме дека сме далеку, далеку подобри отколку што луѓето обично мислат за нас”, изјави тренерот на „Граѓаните“, а не се чекаше долго да возврати Специјалниот.

“Го гледам дека Гвардиола зборувал нешто за мене. Дека ја освоил шестпати Премиер лигата, а јас трипати. Е, сега, јас ја освоив чесно и јасно. Кога би губел, би му честитал на противникот кој беше подобар од мојот тим. Не сакам победи така што против мене се водат судски процеси по 150 различни обвиненија“, поентираше Мурињо, актуелниот шеф на стручниот штаб на Фенербахче.

Секако, Мурињо алудираше на „судењето на векот“ кое веќе долго трае против Манчестер Сити, кој се товари за различни прекршувања на правилата од финансиска природа, што би можело на крајот да резултира и со одземање на титулите на Граѓаните.