Мурињо остана без титула и згрме, Мендеш му даде совет што да направи

Фудбалерите на Бенфика ја испуштија последната шанса да се доближат до Порто и Спортинг, а Жозе Мурињо тешко го прими последното реми.

Бенфика во понеделникот вечерта одигра нерешено 1:1, што е дури деветтиот нерешен резултат на тимот на Мурињо оваа сезона, и сега лидерот Порто е седум бода пред нив. Мурињо смета дека тоа сега е недостижна предност, и истовремено јавно критикуваше некои играчи, кои не ги именуваше.

„Ја пропуштивме последната шанса и јасно е дека испаднавме од трката. Некои играчи не сакам повеќе да ги ставам во тимот, но некои работи се над мене. Тие се дел од екипата. Можеби би било подобро да ја разберам нивната вредност, иако не ги сакам на теренот. Не се тоа лоши играчи, туку јас не бев доволно добар да ги претворам во фудбалери кои ќе се борат за титула. Надворешните фактори и влијанија сè уште имаат големо влијание во оваа лига. Ги пропуштивме нашите шанси, можеби можеме да се бориме за второ место. И покрај сè, сакам да останам тука”, рече Мурињо.

Сепак, неговиот агент Жорж Мендеш не се согласува со Мурињо. Тој смета дека Бенфика не е доволно добра за него и дека треба повторно да бара нов клуб. Не е познато дали Мурињо има понуди, а покрај фактот што веќе со години е во слободен пад, неговото име сè уште предизвикува почитување во европскиот фудбал.