MOZZART и јавните личности продолжуваат да помагаат

Компанија Mozzart веќе неколку години ја организира акцијата “Хуманитарен тикет за викенд” во која јавните личности составуваат тикети, а добивката ја насочуваат кон разни добротворни институции, здруженија, центри и поединци на кои тоа им е најпотребно. Во претходниот период, се нанижаа добитни хуманитарни тикети благодарејќи на сјајните типувања од спортистите и уметниците, па донациите се насочија на разни адреси, согласно нивните желби…

Овој пат, добитен тикет состави спортскиот новинар Павле Симовски, а добивката од 78.019 денари имаше желба да ја насочи во Детскиот дом „11 Октомври“ од Скопје.

„Најпрво сакам да се заблагодарам на компанијата MOZZART за можноста да учествувам во оваа хуманитарна акција и да помогнеме каде што е потребно. За среќа, шестте натпревари кои ги типував се погодени, а со самото тоа и добивката е донирана на место каде, се надевам, ќе биде од помош. Во овој случај тоа е Детскиот дом “11-ти Октомври” во Скопје, каде ќе бидат донирани средствата од добитниот хуманитарен тикет, односно за децата во малите групни домови. Се надевам дека и после мене ќе има уште многу добитни хуманитарни тикети и ќе може да се помогне на повеќе места. Со оваа хуманитарна акција, MOZZART покажа и докажа дека се работи за општествено одговорна компанија.“ – изјави новинарот Симовски.

Од установата изразија желба за овој износ да бидат набавени материјални добра за потребите на групните домови.

„Сакаме да искажеме огромна благодарност од името на вработените и децата од малите групни домови на „11 Октомври“ Скопjе до компанијата Mozzart и секако до типувачот Павле Симовски. Донацијата ќе ни биде доделена во материјални добра, а истата е за дополнителните потреби на малите групни домови. Ваквиот хуман гест и ваквата општествена одговорност од страна на Mozzart насочена кон нас не е прв пат и искрено се надеваме дека ваквата соработка ќе продолжи и понатаму во иднина.“ – изјавија од ЈУДД 11 Октомври – Скопје.

Инаку, ова не е прв пат компанијата Mozzart да соработува со оваа установа. Досега Детскиот дом „11 Октомври“ има добиено телевизори, донација од добитен хуманитарен тикет од речиси 100.000 денари, како и материјални добра во вредност од 90.000 денари од Mozzart-овиот месец на хуманост.

„Продолжуваме со нашата хумана мисија повторно во Детскиот дом „11 Октомври“. Сакаме да се заблагодариме на новинарот Павле Симовски за учеството во акцијата, се надеваме дека и идните учесници ќе бидат успешни како него. Компанија Mozzart ќе се потруди да понуди помош на што повеќе адреси, а посебно кај институциите кои ги згрижуваат најмладите.” – изјавија од менаџментот на компанијата Mozzart.

Досега во акцијата „Хуманитарен тикет за викенд“ учествуваа многу познати спортисти и јавни личности, а собрани се повеќе од 400.000 денари кои компанијата MOZZART ги донираше во разни установи.