Мојс „плачеше“ по поразот: Разликата помеѓу нас и Челси? Милијарда фунти

Фудбалерите на Евертон вчера беа поразени од Челси во Лондон со резултат 2:0 во 16-тото коло на Премиер лигата.

Овој исход беше очекуван, а на прес-конференцијата по натпреварот блесна менаџерот на Евертон Дејвид Мојс, кој како и секогаш зборуваше отворено и ја објасни, според неговото мислење, суштинската разлика помеѓу овие две екипи во моментот.

“Разликата е милијарда фунти”, рече Мојс, со насмевка.

Инаку, вредноста на тимот на Евертон според Трансфермаркт е 400 милиони евра. Екипата на Челси според истиот извор вреди 1,18 милијарди евра.

Челси со оваа победа се искачи на четвртото место на табелата, а Евертон и покрај поразот не е далеку и има четири бодови помалку од „сините“.