Моќниот Јокиќ направи шоу: Србинот со 37 поени го потопи Детроит (Видео)

Продолжува серијата на натпревари без одмор за Денвер, а после поразите од Феникс и Кливленд, Нагетс го победија Детроит со 134:121, со нова маестрална игра на Никола Јокиќ.

Јокиќ уште еднаш покажа дека е во МВП форма, а натпреварот го заврши со 37 поени, 8 асистенции и 9 скока. Српскиот центар доминираше на теренот и одигра клучна улога во моментите кога натпреварот се решаваше.

Покрај Јокиќ, најефикасен во тимот на Денвер беше Џамал Мареј, кој постигна 34 поени, 5 скока и 5 асистенции, додека Мајкл Портер додаде 20 поени со одличен шут од 7/11.

Јокиќ погоди 11 од 17 шутеви од игра, а особено добар беше во шутот за три поени (четири од пет погодени шутеви), додека од линијата на слободни фрлања погоди 11 од 14 шутеви.

OKAY DJ pic.twitter.com/gwpjWyUHxb

— Денвер Нагетс (@nuggets) 29 декември 2024