Раководството на германскиот ракометен клуб Вецлар донесе одлука да направи промени на тренерската клупа поради сè послабите резултати во завршницата од сезоната. Поразот од Лајпциг во четвртокот беше капката што ја прелеа чашата – осми пораз во последните девет мечеви.
Како резултат на тоа, клубот се раздели со главниот тренер Франк Карстенс и неговиот помошник, поранешниот македонски репрезентативец Филип Миркуловски.
До кога ќе дишеме отровен воздух!? | Уште еден поткаст
„Клубот им се заблагодарува на Карстенс и Миркуловски за нивната посветеност и им посакува успех во иднина“, стои во официјалното соопштение од Вецлар.
Нов предводник на екипата ќе биде Момир Илиќ, кој според првичниот план требаше да го преземе тимот на стартот на новата сезона. Но поради промената, српскиот стратег ќе го започне мандатот веќе овој викенд.
Учество во игри на среќа е дозволено за лица со 18+ години. Играј одговорно!