Мбапе: Ако надоместокот е пет минути, тогаш мора да се игра пет минути

Шпанија со резултат 5:4 ја совлада Франција во полуфиналето на Лига на нации и обезбеди место во финалето каде што ќе се соочи со Португалија. Видовме дури девет голови во Штутгарт, а натпреварот заврши со вистинска драма, но Шпанците успеаја да го задржат нивното водство и да ја совладаат француската репрезентација. Поразот донесе разочарување на Килијан Мбапе, кој се пожали на времетраењето на надоместокот:

“Не се сложив со судијата за вистинското времетраење на играта, но ако го кажам тоа, ќе мислат дека сум огорчен. Ако надоместокот е пет минути, тогаш мора да се игра полни пет минути,” изрази незадоволство Мбапе. Потоа, тој ја анализираше играта на францускиот тим:

“На прв поглед би рекол дека игравме добро. Имавме неколку напади какви што одамна не сме виделе. Сепак, имавме пад од десетина минути во првото полувреме што доведе до два гола, истото се случи и во второто. Немавме доследност во сите 90 минути, но имаше напредок. Очигледно, гневни сме и тоа е сигурно. Многу сме фрустрирани,” го заврши Мбапе своето обраќање.