Фудбалерите на Манчестер Јунајтед извојуваа победа на Олд Трафорд над Фулам со резултат 3:2, а во натпреварот од 24. коло на Премиер лигата добивме вистинска драма во дополнителното време.
Црвените ѓаволи го отворија резултатот во 19. минута, кога Касемиро на најдобар можен начин реагираше по нафрлување на Бруно од слободен удар и со прецизен удар со глава ја затресе мрежата.
До кога ќе дишеме отровен воздух!? | Уште еден поткаст
На почетокот на второто полувреме, Јунајтед ја зголеми предноста. Во 56. минута, Матеус Куња умешно го искористи прецизниот пас на Касемиро и со силен удар под пречката постигна погодок за 2:0.
Фулам сепак не се предаваше и го намалија резултатот во 85. минута, кога Раул Хименез беше сигурен од белата точка, откако Хари Мегваер направи прекршок за пенал.
Во завршницата, Фулам изврши притисок, а ладен туш за домашните навивачи дојде во 91. минута кога Кевин постигна прекрасен гол за израмнување на 2:2.
Тогаш се чинеше дека Јунајтед ќе се излизга, но во 94. минута Бруно одлично мина по десната страна и го асистираше Шешко, кој мајсторски од свртување постигна гол за 3:2 и донесе значајна победа на Манчестер.
Во исто време, Астон Вила претрпе голем кикс во трката за титулата, губејќи на домашен терен од Брентфорд со 1:0.
Иако гостите од 42. минута играа со играч помалку поради црвен картон, успеаја да триумфираат со голот на Уатар во 45. минута. Целиот натпревар за Брентфорд го одигра потенцијалниот репрезентативец на БиХ, Витали Јанелт.
Учество во игри на среќа е дозволено за лица со 18+ години. Играј одговорно!