Maшина: Втор трипл-дабл на Јокиќ за помалку од 24 часа!

Никола Јокиќ продолжува со одличните настапи во НБА лигата и сега стигна до вториот трипл-дабл во помалку од 24 часа.

Денвер славеше против Портланд со 127:111, а Јокиќ овој натпревар го заврши со 29 поени, 15 скоак и 14 асистенции. Српскиот кошаркар имаше учинок 12/17 од игра, 1/3 за три поени, две украдени топки и две загубени. Портер беше најефикасниот кај Денвер со 34 постигнати поени.

Овој трипл-дабл за Јокиќ беше 138-ми со што се израмни со Леброн на 4-тата позиција на вечната листа.

За издвојување од вечерта покрај тензичните ситуации (ТУКА) е и одличниот настап на Виктор Вембањама во поразот на Сан Антонио од 118:123. Младата НБА ѕвезда успеа да стане најмладиот кошаркар во НБА кој имал најмалку пет поени, скокови, асистенции, блокади и украдени топки. Натпреварот Вембањама го заврши со дабл-дабл од 27 поени, 10 скока и осум асистенции.