Луис Дијаз на чекор од Баерн Минхен за 80 милиони

Баерн Минхен е блиску до комплетирање на трансферот на ѕвездата на Ливерпул, Луис Дијаз пренесуваат германските медиуми.

Баварците имаат многу малку опции во нападот по заминувањето на Томас Милер и Лерој Сане и тешката повреда на Џамал Мусијала.

И покрај тоа што мерсисајдците веќе одбија две понуди за нивниот 28-годишен играч, од кои последната беше за 67.5 милиони евра, Баерн не се откажа.

Последната понуда на Баерн е тешка 75 милиони евра плус 5 милиони како бонуси, а тоа е сумата која ја бараше Ливерпул за Колумбиецот.